raaz-e-ulfat chhupa ke dekh liya

raaz-e-ulfat chhupa ke dekh liya
dil bahut kuchh jala ke dekh liya

aur kya dekhne ko baqi hai
aap se dil laga ke dekh liya

wo mere ho ke bhi mere na hue
un ko apna bana ke dekh liya

aaj un ki nazar mein kuchh hum ne
sab ki nazren bacha ke dekh liya

‘faiz’ takmil-e-gham bhi ho na saki
ishq ko aazma ke dekh liya

Leave a Reply

Your email address will not be published. Required fields are marked *