hairaan hai jaben aaj kidhar sajda rawa hai

hairaan hai jaben aaj kidhar sajda rawa hai
sarr par hain khudaawand sarr-e-arsh khuda hai

kab-tak ise seenchoge tamanna-e-samar mein
ye sabr ka paudha to na phula na phala hai

milta hai kheraaj usko tere naan-e-jawin se
har baadshah-e-waqt tere dar ka gada hai

har ek uqubat se hai talkhi mein sawa-tar
wo rang jo na-karda gunahon ki saza hai

ehsaan liye kitne maseeha-nafason ke
kya kijiye dil ka na jala hai na bujha hai

Faiz Ahmad Faiz

Leave a Reply

Your email address will not be published. Required fields are marked *