abke hum bichde to shayad kabhi khwabon mein milen

abke hum bichde to shayad kabhi khwabon mein milen
jis tarah sukhe hue phuul kitabon mein milen

dhundh ujde hue logon mein wafa ke moti
ye khazane tujhe mumkin hai kharabon mein milen

ghum-e-duniya bhi ghum-e-yar mein shamil kar lo
nasha badhta hai sharabein jo sharabon mein milen

tu khuda hai na mera ishq farishton jaisa
dono insan hain to kyun itne hijabon mein milen

aaj hum dar pe khinche gaye jin baaton par
kya ajab kal wo zamane ko nisabon mein milen

ab na wo mai na wo tu hai na wo mazi hai ‘faraaz’
jaise do shakhs tamanna ke sarabon mein milen

Leave a Reply

Your email address will not be published. Required fields are marked *