JAUN ELIYA

Jaun Eliya Shayari was loved all over the world. One of the most prominent modern Pakistani poets, popular for his unconventional ways.

john-eliya-shayari-alamnaama

Jaun Eliya Shayari & Ghazal

aadmi waqt par gaya hoga
waqt pehle guzar gaya hoga

See Full GhazalJaun Eliya

jism mein aag laga duun uske
aur phir khud he bujha dun usko

aaj mujhko bahut bura keh kar
aapne naam to liya mera

aakhiri baat tumse kehna hai
yaad rakhna na tum kaha mera

ab hai bas apna saamna dar-pesh
har kisi se guzar gaya hun main

See Full GhazalJaun Eliya

abhi ek shor sa utha hai kahin
koi khamosh ho gaya hai kahin

See Full Ghazal Jaun Eliya

ae shakhs mai tere justuju se
be-zar nahi hun thak gaya hun

aur kya chahti hai gardish-e-ayyam ki hum
apna ghar bhuul gaye unki gali bhuul gaye

apna rishta zameen se he rakho
kuch nahin aasmaan mein rakha

roya hun to apne doston mein
par tujhse to hans ke he mila hun

go apne hazaar naam rakh lun
par apne siva mai aur kya hun

aur to kuch nahi kiya maine
apni haalat tabah karli hai

See Full Ghazal Jaun Eliya

kya hai jo badal gayi hai duniya
mai bhi to bahut badal gaya hun

bahut dil ko kushada kar liya kya
zamane bhar se wada kar liya kya

See Full Ghazal Jaun Eliya

bahut nazdeek aati ja rahi ho
bichadne ka irada kar liya kya

See Full Ghazal Jaun Eliya

be-dili kya yunhi din guzar jayenge
sirf zinda rahe hum to mar jayenge

See Full Ghazal Jaun Eliya

be-qarari si be-qarari hai
vasl hai aur firaq taari hai

SEE FULL GHAZALJAUN ELIYA

na rakha hum ne besh-o-kam ka khayal
shauq ko be-hisaab he likkha

bhuul jana nahi gunah usse
yaad karna use sawab nahi

bin tumhare kabhi nahi aayi
kya mere neend bhi tumhari hai

SEE FULL GHAZALJAUN ELIYA

mai is deewar par chadh to gaya tha
utaare kaun ab deewar par se

dil ki takleef kum nahi karte
ab koi shikva hum nahi karte

din bhala kis tarah guzaroge
vasl ki shab bhi ab guzaarli hai

See Full GhazalJaun Eliya

saari duniya ke ghum humare hai
aur sitam ye ki hum tumhare hai

ek hunar hai jo kar gaya hun main
sab ke dil se utar gaya hun main

See Full GhazalJaun Eliya

ek qattala chahiye hum ko
hum ye aelaan-e-aam kar rahe hai

gawayi kiski tamanna mein zindagi maine
wo kaun hai jise dekha nahi kabhi maine

jama humne kiya hai ghum dil mein
iska ab suud khaaye jayenge

ye bahut ghum ki baat ho shayad
ab to ghum bhi gavaa chuka hun mai

hai ghanemat ki asrar-e-hasti se hum
be-khabar aaye hai be-khabar jayenge

See Full GhazalJaun Eliya

har shakhs se be-niyaz ho ja
phir sab se ye keh ki mai khuda hun

usse har-dam moamla hai magar
darmiyan koi silsila hi nahi

ek hi to havas rahi hai hamein
apne halat tabah ki jaye

hum kahan aur tum kahan jana
hain kayi hijr darmiyaan jana

padi rehne do insanon ki lashein
zameen ka bojh halka kyun karein hum

jaan-leva thi khwahishein warna
wasl se intezar acha tha

jaate jaate aap itna kaam to kijiye mera
yaad ka saara sar-o-samaan jalate jaiye

jo guzari na ja saki humse
humne wo zindagi guzari hai

SEE FULL GHAZALJAUN ELIYA

jo yahan se kahin na jata tha
wo yahan se chala gaya hai kahin

See Full Ghazal Jaun Eliya

jurm mein hum kami karein bhi to kyun
tum saza bhi to kum nahi karte

kaam ki baat maine ki hi nahi
ye mera taur-e-zindagi hi nahi

kal ka din haaye kal ka din aye ‘jaun’
kaash is raat hum bhi mar jaayein

humne kyun khud pe e’tibar kiya
sakht be-e’tibar the hum to

aur to kya tha bechne ke liye
apne aankhon ke khwaab beche hai

kis liye dekhti ho aaena
tum to khud se bhi khubsurat ho

kharch chalega ab mera kiske hesaab mein bhala
sabke liye bahut hun mai apne liye zara nahi

kitne aish se rehte honge kitne itraate honge
jaane kaise log wo honge jo usko bhaate honge

See Full GhazalJaun Eliya

ku-e-jaana mein sog barpa hai
ki achanak sudhar gaya hun main

See Full Ghazal Jaun Eliya

ab nahi milenge hum kucha-e-tamanna mein
kucha-e-tamanna mein ab nahin milenge hum

kya bataun ki mar nahin pata
jeete-ji jab se mar gaya hun main

See Full GhazalJaun Eliya

to kya sach-much judai mujhse karli
to khud apne ko aadha kar liya kya

mujhse ab log kum he milte hai
yun bhi mai hatt gaya hun manzar se

mai jo hun ‘jaun-elia’ hun janab
is ka behad lihaaz kijeyega

mai jurm ka e’tiraf kar ke
kuch aur hai jo chupa gaya hun

mai kahun kis tarah ye baat usse
tujhko janam mujhe se khatra hai

main bhi bahut ajeeb hun itna ajeeb hun ki bss
khud ko tabah kar liya aur malal bhi nahi

ilaaj ye hai ki majboor kar diya jaun
vagarna yuun to kisi ki nahi suni maine

sab mere baghair mutmaeen hai
mai sabke baghair jee raha hun

mil ke har shakhs se hua mehsus
mujhse ye shakhs mil chuka hai kahin

See Full GhazalJaun Eliya

mujhe ab tumse darr lagne laga hai
tumhein mujhse mohabbat ho gayi kya

mustaqil bolta he rehta hun
kitna khamosh hun mai andar se

janiye usse nibhegi kis tarah
wo khuda hai mai to banda bhi nahi

ab jo rishton mein bandha hun to khula hai mujh par
kab parind udh nahi paate hai paron ke hote

ab ki jab janana tum ko hai sabhi par e’tibar
ab tumhe janana mujh par e’tibar aaya to kya

shaikh aaya tha mohtasib ko liye
maine bhi unki wo khabar li hai

See Full GhazalJaun Eliya

kaun se shauq kis havas ka nahi
dil meri jaan tere bas ka nahi

humein shikva nahi ek dusre se
manana chahiye is par khushii kya

jaaneman tere be-naqabi ne
aaj kitne naqab beche hai

tere qeemat ghatayi ja rahi hai
mujhe furqat sikhai ja rahi hai

to kya sach-much judai mujhse karli
to khud apne ko aadha karliya kya

See Full GhazalJaun Eliya

tu mujhe dhund main tujhe dhundun
koi hum mein se reh gaya hai kahin

See Full Ghazal Jaun Eliya

tujhko kya ho gaya ki cheezon ko
kahin rakhta hai dhundhta hai kahin

See Full GhazalJaun Eliya

tumhari yaad mein jeene ki aarza hai abhi
kuch apna haal sambhalun agar ijazat ho

us se kahiyo ki dil ki galiyon mein
raat din tere intezari hai

SEE FULL GHAZALJAUN ELIYA

uski yaad ki baad-e-saba mein aur to kya hota hoga
yunhi mere baal hain bikhre aur bikhar jate honge

See Full Ghazal Jaun Eliya

wafa ikhlaas qurbani mohabbat
ab in lafzon ka peecha kyun karein hum

wo humari taraf na dekh ke bhi
koi ehsan dhar gaya hoga

See Full Ghazal Jaun Eliya

wo jo na aane wala hai na us se mujh ko matlab tha
aane walon se kya matlab aate hain aate honge

SEE FULL GHAZALJAUN ELIYA

yaad usse intehai karte hain
so hum uski burai karte hain

yaro kuch to zikr karo tum uski qayamat banhon ka
wo jo simat te honge unmein wo to mar jate honge

See Full GhazalJaun Eliya

hum ko yaro ne yaad bhi na rakha
‘jaun’ yaro ke yaar the hum to

zindagi ek fan hai lamhon ko
apne andaaz se gawane ka

Share your self-written work with us.

Close Menu