be-qarari si be-qarari hai
vasl hai aur firaq taari hai

jo guzari na ja saki humse
humne wo zindagi guzari hai

ni-ghare kya hue ki logon par
apna saya bhi ab to bhaari hai

bin tumhare kabhi nahi aayi
kya mere neend bhi tumhari hai

aap mein kaise aaun main tujh bin
sans jo chal rahi hai aari hai

usse kahiyo ki dil ki galiyon mein
raat din tere intezari hai

hijr ho ya visal ho kuch ho
hum hain aur uski yaadgari hai

ek mehak samt-e-dil se aai thi
main ye samjha tere sawari hai

haadson ka hisaab hai apna
warna har aan sabki bari hai

khush rahe tu ki zindagi apni
umr bhar ki umeed-wari hai

Leave a Reply

Close Menu